CONCELLO DE LALÍN

_______________________________________________________________________

CONVOCATORIA DUN PROCESO SELECTIVO PARA CUBRIR UNHA PRAZA DE TÉCNICO DE ADMINISTRACIÓN XERAL INCLUÍDA NA OFERTA DE EMPREGO PÚBLICO PARA 2010

_______________________________________________________________________________________________________________

SISTEMA DE SELECCIÓN: Oposición

TITULACIÓN REQUIRIDA: Estar en posesión do título universitario de licenciado en dereito, en económicas, en administración e dirección de empresas, en ciencias políticas ou equivalente, ou estar en condicións de obtelo na data en que remate o prazo de presentación de instancias.

INSTANCIAS:

As persoas que desexen tomar parte nas probas selectivas convocadas deberán facelo constar mediante unha instancia dirixida ó Sr. Alcalde-Presidente do Concello de Lalín. A instancia conterá, polo menos, os datos persoais do solicitante co seu enderezo e a denominación da praza ou posto convocado ao que opta, achegándolle unha fotocopia autenticada do documento nacional de identidade ou da tarxeta acreditativa da súa identidade, expedida polas autoridades competentes no caso de estranxeiros e, no seu caso, da documentación acreditativa dos méritos alegados.

No Rexistro Xeral do Concello, facilitaráselles aos interesados un modelo de solicitude, que será de utilización voluntaria.

PRAZO DE PRESENTACIÓN DE INSTANCIAS: Vinte (20) días naturais; contados a partir do día seguinte ao da publicación dun extracto da convocatoria no Boletín Oficial do Estado.

A presentación de solicitudes poderá facerse ben no Rexistro Xeral do Concello, ben en calquera das formas establecidas no art. 38.4 da Lei 30/92 de réxime xurídico das administracións públicas e do procedemento administrativo común.

As solicitudes que se presenten a través da oficina de correos deberán entregarse en sobre aberto para ser seladas e datadas polo funcionario de Correos antes de seren certificadas.

Para máis información, podes consultar o seguinte enlace: Bases Convocatoria

CONCELLO DA ILLA DE AROUSA

________________________________________________________________________

ERRO NA PUBLICACIÓN DA DATA DE CELEBRACIÓN DO PRIMEIRO EXERCICIO PARA CUBRIR UNHA PRAZA DE ADMINISTRATIVO-DELINEANTE PARA ESTE CONCELLO

________________________________________________________________________________________________________________

Advertido erro no anuncio publicado no BOP nº 88 de 08 de maio de 2012, en relación ca aprobación da lista definitiva de admitidos e excluídos no proceso selectivo para a cobertura mediante oposición libre de unha praza de Administrativo-Delineante vacante na plantilla de persoal laboral deste Concello, insértase o presente para facer constar que, onde pon que a celebración do primeiro exercicio será o “luns 21 de xuño as 17,00 horas”,

debe poñer

“o xoves 21 de xuño ás 17,00 horas”