CONCELLO DE BAIONA
_________________________________________________________________________
CONVOCATORIA DE PROCESOS SELECTIVOS PARA CUBRIR 1 PRAZA DE OPERARIO DE SERVIZOS VARIOS: CEMITERIO, E 1 PRAZA DE OPERARIO DE SERVIZOS: RECOLLIDA DE LIXO, VACANTES DE PERSOAL LABORAL FIXO DO CONCELLO DE BAIONA E INCLUÍDAS NA OFERTA DE EMPREGO PÚBLICO DO ANO 2010
__________________________________________________________________________________________________________________
SISTEMA DE SELECCIÓN: Concurso-Oposición
INSTANCIAS:
As persoas que desexen tomar parte nas probas selectivas convocadas deberán facelo constar mediante unha instancia dirixida ao Alcalde, cuxo modelo se facilitará polo Concello no Rexistro Xeral.
A instancia conterá, polo menos, os datos persoais do solicitante co seu enderezo e a denominación do posto convocado ó que opta, achegándolle unha fotocopia autenticada do documento nacional de identidade non caducado ou a tarxeta acreditativa da súa identidade, expedida polas autoridades competentes no caso de cidadáns comunitarios e, no seu caso, da documentación acreditativa dos méritos alegados debidamente compulsados.
PRAZO DE PRESENTACIÓN DE INSTANCIAS: 20 días naturais, contados a partir do día seguinte ó da publicación da convocatoria no Boletín Oficial do Estado.
A presentación de solicitudes poderá facerse ben no rexistro xeral do Concello, ben en calquera das formas establecidas no art. 38.4 da Lei 30/92 de réxime xurídico das administracións públicas e do procedemento administrativo común.
As solicitudes que se presenten a través da oficina de correos deberán entregarse en sobre aberto para ser seladas e datadas polo funcionario de Correos antes de seren certificadas.
Para máis información, consulta o seguinte enlace: Bases convocatoria