CONVOCATORIA DO PROCESO SELECTIVO PARA A CONTRATACION LABORAL TEMPORAL DE CATRO AUXILIARES DE POLICIA PARA O CONCELLO DE CARBALLO
A modalidade contractual será a de un contrato temporal por acumulación de tarefas, prevista no R.D. 2720/1998, de 18 de decembro (art.3) e a súa duración será de 4 (catro) meses contados a partir da sinatura do mesmo.
TITULACIÓN REQUIRIDA: Estar en posesión da titulación esixible para o acceso como funcionario ao grupo C2 (educación secundaria obligatoria, graduado escolar ou equivalente).
INSTANCIAS:
As solicitudes para tomar parte neste proceso selectivo faranse mediante instancia dirixida ó señor Alcalde no Rexistro xeral do Concello en horas de oficina.
PRAZO DE PRESENTACIÓN DE SOLICITUDES: DENDE O DÍA: 1 ATA O DÍA 10 DE ABRIL DE 2011
Asemesmo poderanse presentar na forma que determina o artigo 38.4 da lei 30/1992, de Réxime Xurídico das Administracións Públicas e do Procedemento Administrativo Común; neste caso, os concursantes deberán comunícalo mediante telegrama ou telefax durante o mesmo prazo que o de presentación de instancias.
Se, conforme a este precepto se presentan a través das oficinas de correos, deberá aparecer o selo na propia solicitude. Doutro modo, a data de anotación no Rexistro xeral será a que se teña en conta a tódolos efectos.
Xunto coa solicitude os aspirantes deberán achegar, inexcusablemente, a seguinte documentación:
– Xustificante acreditativo de ter ingresado na Tesourería Municipal a cantidade de dezoito euros (18,00 €) en concepto de dereitos de exame.
– Fotocopia do DNI ou documento identificativo.
– Fotocopia da titulación esixida na base segunda, punto c desta convocatoria.
– Certificado médico a que se refire a Base 2ª letra e) acreditativo de non padecer enfermidade ou defecto físico que impida exerce-la función propia a desempeñar.
Para máis información, podes consultar o seguinte enlace:
Bases Auxiliar de Policía