CONTRATACIÓN DUN/DUNHA ANIMADOR/A CULTURAL DO CONCELLO DE DODRO EN RÉXIME TEMPORAL

SISTEMA DE SELECCIÓN: Concurso de valoración de méritos.

TITULACIÓN REQUIRIDA: Estar en posesión dalgunha das seguintes titulacións: técnico en Animación Sociocultural ou diplomado en Educación Social. No seu defecto, admitirase a diplomatura en Maxisterio, ou licenciado en Socioloxía ou Pedagoxía.

INSTANCIAS:

As instancias solicitando tomar parte no proceso selectivo dirixiranse ao alcalde do Concello de Dodro e deberán realizarse seguindo o modelo que figura como ANEXO II nas bases e incluirá a manifestación de que reúnen todos e cada un dos requisitos da presente convocatoria.

Presentaranse no Rexistro Xeral do Concello ou na forma prevista no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (neste caso os concursantes deberán comunicalo mediante telegrama, ou fax ao numero 981802142, durante o mesmo prazo que o de presentación de instancias).

PRAZO DE PRESENTACIÓN DE SOLICITUDES: DENDE O DÍA 19 ATA O DÍA 24 DE XANEIRO DE 2011

A instancia irá inescusablemente acompañada da seguinte documentación, en orixinal ou fotocopia debidamente compulsada:

1.Documento nacional de identidade, ou resgardo do mesmo, ou documentación equivalente.

2.Declaración responsable de que cumpre o requisito esixido no apartado b) da base 3 e de que non está incurso en ningún dos supostos recollidos nos apartados d) e e) da mesma base.

3.Título de técnico en Animación Sociocultural, de diplomado en Educación Social ou Maxisterio, ou de licenciado en Socioloxía ou Pedagoxía.

4.Relación dos méritos que se aleguen seguindo a orde que se recolle na base 8.

5.Documentación acreditativa dos méritos alegados para a súa valoración no concurso de acordo ao previsto na base 8.

Para máis información, podes consultar o seguinte enlace:

 Bases Animador_a cultural. Concello de Dodro.