CONVOCATORIA PÚBLICA DE BOLSAS DE COLABORACIÓN PARA A REALIZACIÓN DE PRÁCTICAS NO ORGANISMO AUTÓNOMO LOCAL TURISMO RÍAS BAIXAS – DEPUTACIÓN DE PONTEVEDRA
De conformidade coa proposta do Técnico do O.A.L. de Turismo Rías Baixas, a Presidencia deste organismo convoca catro bolsas de colaboración para Diplomados en Turismo ou ciclo superior en comercialización e Información Turística e a creación dunha lista de reserva por se fose necesaria.
Poderán ser beneficiarios destas bolsas de colaboración aquelas persoas físicas que, tendo capacidade de obrar e non estando inhabilitadas para a obtención de axudas e subvencións públicas, reúnan os seguintes requisitos:
a) Posuir a nacionalidade española ou ser nacional dun dos países membros da Unión Europea.
b) Estar en posesión do título de Diplomado en Turismo ou equivalelente ou ciclo Superior en comercialización e Información turística, ou en condicións de obtelo na data en que finalice o prazo de presentación de instancias. A titulación deberá ser, cando menos, obtida no ano 2005 ou con posterioridade a esta data no momento de inicio de presentación de solicitudes.
No caso de titulacións obtidas no estranxeiro, deberán atoparse homologadas polo Ministerio competente en España.
c) Non ter sido beneficiario dunha bolsa neste organismo por duración superior a un ano.
d) Non padecer ninguna enfermidade nin limitación física ou psíquica que imposibilite o cumprimento das súas obrigas como bolseiro.
e) Non estar incurso en ninguna das prohibicións para obter a condición de beneficiario sinaladas no apartado 2 do artigo 13 da Lei 38/2003, de 17 de novembro, Xeral de Subvencións.
INSTANCIAS:
As instancias solicitando tomar parte nesta convocatoria dirixiranse ó Presidente do O.A.L. Turismo Rías Baixas e presentaranse no rexistro deste organismo de luns a venres en horario de 9:00 a 13:00 horas, sito na praza Santa María, s/n, Pontevedra. Se o último día de presentación de propostas
coincidise en domingo ou festivo, prorrogarase o prazo ata o primeiro día hábil seguinte. Tamén se poderán presentar por calquera dos procedementos establecidos na Lei 30/92 do 26 de novembro de Réxime Xurídico das Administracións Públicas e do Procedemento Administrativo común. Nestes casos, o solicitante deberá xustificar a data e hora da imposición do envío e anunciar ao O.A.L. Turismo Rías Baixas a remisión da oferta. Poderá facelo mediante fax (986868750), telegrama ou correo electrónico ([email protected]) no mesmo día.
Para máis información, podes consultar o seguinte enlace:
https://www.bop.depo.es/bop.PONTEVEDRA/2010/bop.PONTEVEDRA.20101112.218.pdf