CONVOCATORIA PARA CUBRIR UNHA PRAZA DE OFICIAL XARDIÑEIRO VACANTE NO CADRO DE PERSOAL FUNCIONARIO DA DEPUTACIÓN DE PONTEVEDRA

SISTEMA DE SELECCIÓN: Concurso-Oposición por Promoción Interna.

TITULACIÓN REQUIRIDA:

Estar en posesión do título de graduado escolar, graduado en educación secundaria obrigatoria ou equivalente.

INSTANCIAS:

As persoas que desexen tomar parte nas probas selectivas convocadas deberán facelo constar mediante unha instancia dirixida ó Ilmo. Sr. Presidente da Deputación de Pontevedra. A instancia conterá, polo menos, os datos persoais do solicitante co seu enderezo e a denominación da praza convocada á que opta, achegándolle unha fotocopia autenticada do documento nacional de identidade ou a tarxeta acreditativa da súa identidade, expedida polas autoridades competentes no caso de cidadáns comunitarios, xustificante de ingreso dos dereitos de exame e, no seu caso, a documentación acreditativa dos méritos alegados para a fase de concurso debidamente compulsados.

A presentación de solicitudes poderá facerse ben no rexistro xeral da Deputación de Pontevedra, ben en calquera das formas establecidas no art. 38.4 da Lei 30/92 de réxime xurídico das administracións públicas e do procedemento administrativo común; as solicitudes que se presenten a través da oficina de correos deberán entregarse en sobre aberto para ser seladas e datadas polo funcionario de correos antes de seren certificadas.

PRAZO DE PRESENTACIÓN DE INSTANCIAS: DENDE O DÍA 6 ATA O 25 DE NOVEMBRO DE 2010

Para máis información, podes consultar o seguinte enlace:

Bases Oficial de Xardineiro. Deputación de Pontevedra 1

Bases Oficial Xardineiro. Deputación de Pontevedra 2

 

PROVISIÓN EN PROPIEDADE, MEDIANTE OPOSICIÓN, DUNHA PRAZA DE FUNCIONARIO/A DE CARREIRA DE ARQUITECTO/A TÉCNICO OU APARELLADOR, ENCADRADA NA ESCALA DE ADMINISTRACIÓN ESPECIAL, SUBESCALA TÉCNICA, SUBGRUPO A2, SEGUNDO O ARTIGO 76 E A DISPOSICIÓN TRANSITORIA TERCEIRA DA LEI 7/2007, DO 12 DE ABRIL, DO ESTATUTO BÁSICO DO EMPREGADO PÚBLICO, INCLUIDA NA OFERTA DE EMPREGO PÚBLICO PARA O EXERCICIO 2009 DO CONCELLO, AMPLIADA EN 2010.

SISTEMA DE SELECCIÓN: Oposición Libre

TITULACIÓN REQUIRIDA:

Estar en posesión do título de Arquitecto Técnico ou aparellador, ou en condicións de obtelo na data en que remate o prazo de presentación de instancias, que se deberá acreditar mediante documento oficial expedido polo organismo competente.

INSTANCIAS:

As solicitudes para tomar parte nas probas selectivas axustaránse ó modelo que figura no Anexo da convocatoria e que será facilitado a quenes o interesen no Rexistro Xeral do Concello. As solicitudes irán dirixidas ó Sr. Alcalde-Presidente do Concello de Salvaterra de Miño, Praza da Constitución, nº 1, 36450 – Salvaterra de Miño (Pontevedra), presentándose no Rexistro Xeral.

Poderán remitirse tamén nas formas que determina o artigo 38 da Lei 30/1992. As solicitudes que se presenten a través da Oficina de Correos deberán entregarse nun sobre aberto para ser selada e datada polo funcionario de correos antes de ser certificada. No caso de presentar a solicitude en rexistro diferente ó do Concello, ou na Oficina de Correos, os aspirantes deberán comunicalo ó Concello mediante fax, télex ou telegrama, durante o mesmo prazo que o de presentación de solicitudes.

PRAZO DE PRESENTACIÓN DE INSTANCIAS: DENDE O DÍA 6 ATA O 25 DE NOVEMBRO DE 2010

A solicitude xuntaráse:

– Fotocopia do DNI.

– Certificación acreditativa da posesión do nivel de coñecemento do galego CELGA 4, curso de perfeccionamento de galego ou equivalente debidamente homologado.

 Para máis información, podes consultar o seguinte enlace:

 Bases Arquitécto Técnico. Concello de Salvaterra de Miño 1

Bases Arquitecto Técnico. Concello de Salvaterra de Miño 2